Fylkisþingið í Tierra del Fuego, syðsta héraði Argentínu, hefur fest í lög bann við sjókvíaeldi á laxi. Þar sem hafsvæðið við þennan syðsta odda landsins er eina mögulega svæðið til að setja niður sjókvíar þýðir þetta í raun og veru að Argentína er fyrsta landið í heiminum sem hafnar formlega þessum skaðlega iðnaði. Það gerðist þó ekki átakalaust.
Árið 2019 skrifuðu stjórnvöld í Argentínu og Tierra del Fuego undir viljayfirlýsingu við norska sjókvíaeldisrisa um að undirbúa sjókvíeldi í héraðinu. Fólkið þar reis hins vegnar strax upp gegn áformunum. Með því að taka saman höndum við nágranna sína frá Chile, hinum megin við landamærin, og ýmsa umhverfisverndarhópa lukkaðist íbúum í Tierra del Fuego að snúa stjórnvöldum. Í vikunni var svo bannið gegn laxeldi í opnum sjókvíum samþykkt samhljóða á fylkisþinginu.
Tierra del Fuego er fámennasta hérað Argentínu. íbúar þar sáu í gegnum loforð innlendra stjórnmálamanna, sem gengu erinda norsku sjókvíaeldisrisanna, um meinta verðmætasköpun. Fólkið áttaði sig á því að þessi iðnaður lætur náttúruna og lífríkið niðurgreiða sína skaðlegu starfsemi og flytur svo mögulegan hagnað allan úr landi.
Þannig starfar sjókvíaeldisfyrirtækin um allan heim. Hér á landi hafa þau til dæmis aldrei greitt krónu í tekjuskatt og munu ekki gera á næstu árum. Uppsafnað tap er svo gríðarlegt.
Fóður, búnaður, vaxtagreiðslur af lántökum frá móðurfélögum kostar svo allt gjaldeyri sem fer úr landi.