Við tökum undir með baráttusystkinum okkar í Seyðisfirði:

„Við vonum að enginn lífeyrissjóður í nafni almnennings taki þátt í þessum svartapétri ! Það er deginum ljósara að einhver leyfanna sem Fiskeldisfyrirtækin tóku án endurgjalds og hafa þegar fengið hagnaðinn af gætu verið í talsverðu uppnámi. Það er deginum ljósara að siglingaöryggi, sæstrengir og ofanflóð í fjörðum setja fyrirtækinu skorður svo ekki sé talað um sýkingar og aðrar náttúrlega aðstæður svo sem þörungarblóma og marglyttur sem eiga líka sannarlega eftir að hafa sitt að segja. Nú á að reyna að ná einhverjum að borðinu þegar byrjað er að molna undan. Er þetta ekki aðeins of fyrirsjáanlegt ??

Sjókvíaeldi er mengandi iðnaður sem er í hningnun vegna augljósra galla sem tengjast honum. Það hefur sennilega aldrei verið skýrara að við þurfum að vernda vistkerfið okkar, vanda okkur og virða náttúruna, villta stofna og hlusta á hlutlausa vísindamenn sem hafa varað við þessu í árafjöld.“

„Í frétt Austurfréttar um nýjustu vendingar Ice Fish Farm er nú leitað nýrra hluthafa:

Måsøval Eiendom, meirihlutaeigandi Ice Fish Farm sem á öll leyfi til fiskeldis á Austfjörðum, hefur ráðið ráðgjafafyrirtæki til að leita eftir mögulegum meðeiganda að eignarhluta þess í Ice Fish Farm, móðurfélagi Fiskeldis Austfjarða/Laxa.

Þetta kemur fram í tilkynningu sem send var norsku kauphöllinni í morgun. Þar segir að ákvörðunin fylgi í kjölfar áhuga sem félaginu hafi borist.

„Ice Fish Farm er stærsta laxeldisfyrirtæki Íslands miðað við útgefin leyfi og hið eina á Austfjörðum, á mörg hundruð kílómetra strandlengju. Fyrirtækið hefur leyfi og umsóknir, auk viðbótargetu innan fjarða sinna, til að verða stórframleiðandi eldislax á heimsvísu. Sú framleiðsla yrði mun stærri en eldi Måsøval í Noregi. …

Tilkynningin kemur degi eftir að tilkynnt var að rekstrarhagnaður Ice Fish Fram á þriðja ársfjórðungi hefði numið 13,6 milljónum norskra króna eða tæpum 195 milljónum íslenskra króna. Er þetta fyrir afskriftir vegna tjóns sem varð á árinu þegar lóga þurfti fiskum úr eldi í Reyðarfirði og Berufirði fyrr en áætlað var eftir að sjúkdómurinn blóðþorri kom upp. Afskriftir þess vegna eru metnar á 1,2 milljón norskra króna eða 17,2 milljónir íslenskra. Hagnaður á sama tíma í fyrra var 0,7 milljónir norskra króna eða um tíu milljónir íslenskra. Á ársfjórðungnum var nú slátrað 1.946 tonnum af laxi samanborið við 1.042 í fyrra.